تنظيف البشرة

تنظيف البشره

طريقه لتنظيف البشرة بدل ما تروحى بيوتى سنتر

كلنا فاكرين ان وجهنا نظيف لمجرد اننا بنغسله كل يوم بالصابون او حتى الغسول بس الحقيقه غير كدا

احنا كدا بنكون بنضف بشرتنا بشكل سطحى مش اكتر تاركين اشياء كتيره من جوه مش شايفنها

مسام بشرتنا بتكون مليانه بلاوى بتتراكم يوم بعد يوم ..جلد ميت من عوامل الجو والشمس …دهون وزيوت متراكمه فى المسام ….اتربه  ..املاح وترسبات من استخدام الصابون ……الخ الخ

الموضوع كله بيتعمل فى اربع مراحل :

1: حمام البخار

2: تقشير البشره

3:غلق المسام

4: الترطيب

نبدء باول خطوه        حمام البخار

بتغلى شويه ميه فى اناء واسع وممكن نحط فى الميه اعشاب : رشه قرفه ..شويه نعناع .. معلقه زيت لافندر  وممكن منحطش عادى

نحط فوطه فوق راسنا ونغطى نفسنا بيها ونقرب وجهنا للاناء بحيث يطلع البخار على وجهنا كله وفى نفس الوقت الفوطه  تمنعه يخرج برة   معلش نستحمل الحرارة شويه كلو لينا فى الاخر

 

***فوائد حمام البخار

_بيفتح مسام البشرة جدا علشان يكون سهل تنظيف الاوساخ الى جواها

_بيدوب الدهون الى موجودة فى الوجه والانف

_بيرطب الوجه جدا

_بيطرى الجلد الميت علشان بيهيأ البشره لمرحله التقشير

الخطوه التانيه    التقشير

بنعملها علشان نقشر الجلد الميت الى على البشره السطحيه الى بتكون سبب فى شكل البشرة البهتان وجفافها     ممكن يكون معانا نوع سنفره كويس

او نعمل سنفره طبيعيه فى البيت

_ 2 معلقه سكر ناعم .. نقطتين عصير ليمون ..معلقه زيت لوز او زيتون

بندلك وجهنا بالسنفره حركه دائريه فى اتجاه واحد لمده 5 دقائق مش كتير علشان منجرحش بشرتنا ولا قليل علشان نزيل الجلد الميت ونغسل وجهنا بميه دافيه

الخطوه التالته    غلق المسام

بعد الخطوتين الى فاتو المسام بتكون مفتوحه ولو سبناها مفتوحه هتتعرض للاتربه والاوساخ بتدخل لبشرتنا تانى وتعبنا على الفاضى يبقى لازم تقفلها

نعمل تونر طبيعى فى البيت …نحط ماء ورد فى قوالب التلج ونحطها فى الفريزر لحد ما تتجمد وتحطو على بشرتنا على يقفل كل المسام

الخطوه الاخيرة    الترطيب

اى كريم ترطيب وندلك بيه البشره

الجلسه دى بتتعمل مرة فى الاسبوع للبشرة (العاديه والجافه ) ومرتين للبشره الدهنيه

ولو حبيتى تعملى ماسك يبقى بعد الخطوه الاولى او التانيه

وكدا بنكون عملنا احسن جلسه تنظيف لبشرتنا بأقل تكاليف 
hapepa
Facebook Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *