حل مشكلة الكرش والرجلين للبنات 💁

حل مشكلة الكرش والرجلين للبنات💁

اشفطي بطنك وانتي ماشية وانتي قاعدة هتتشد وتلم🙋

بلاش فكرة الدايت الي كل يوم هتبدأي من بكرة وابداي من دلوقتي و متكسليش

متصدقيش ان في دايت بيخسس بال ١٢ كيلو في اسبوع دا كلام مش منطقي  مافيش دايت صحي بيخسس كل دا في اسبوع

مفيش حاجه اسمها اكل دايت ووصفات بسبوسة وكنافة دايت بلاش افتكاساتك الغير شرعية ومش هتخسي والي خلقه ربنا كله كويس بس ناكل بالعقل ومتشغليش دماغك

بلاش ماتكليش حاجه علشان تخسي كدة هيجيلك جفاف وهتقعي من طولك ومستشفيات ومحاليل ومرار بلاش طرق التخسيس الغير شرعية دي 😂هههه

بلاش محشي الحاجة الي عامل زي القنبلة ده وتقولك مقلله الارز بتكدب عليكي 🙅

متدبيهاش وتنامي كدة كرشك هيدعي عليكي

متناميش 14 ساعة في اليوم 8 حلوين من 12 الي 8
بلاش جو السهر ومبعرفش انام بدري والجو ده دي  صحتك اهم من الرغي

كلي اكل صحي بلاش جو كيت كات وجلاكسي الي  هيودكي في داهية

بلاش تعدي تلزقي في الكرسي خليكي خفيفة واتحركي

بلاش تاكلي في المطبخ وانتي واقفة الاكل مش هيطير بطلي طفاسة

متشربيش حوارق الكرش  (كمون-جنزبيل_قرفة) ووصفات الحل السحري الي هتدمر معدتك

💁اشربي مياه كتير اوي قد ماتقدري والله مبتعملش كرش

بلاش ماك وكريب وعك بطلي اكل الجامعة والرمرمة
وبلاش تاكلي بسرعة والله مش سباق اكل كلي علي مهلك

خلي الفاكهة والخضار دايما في اكلك علشان الفيتامينات

بلاش تدلقي الملح والسكر علي الاكل استخدميه بكميه اقل

هاتي ٢ كيلو تفاح كل يوم تفاحة كدة علي الصبح بلاش كروسو وكيك

اقولك حاجه سر التخسيس في ٣ حاجات:💃

١-نامي واصحي بدري نامي 8 ساعات مش 6

٢-نظمي سعراتك متاكليش بالبركة🙋

٣-اتمرني كل يوم ساعه

Facebook Comments
اخر المقالات
‎اضف رد